நீங்கள் தேடியது "மாணவி தற்கொலை முயற்சி"

நாகர்கோவில்:

சுசீந்திரம் அருகே உள்ள பறக்கை கக்கன்புதூரைச் சேர்ந்தவர் தர்மராஜ். இவரது மனைவி கவிதா (வயது 39). இவர் கன்னியாகுமரி அனைத்து மகளிர் போலீசில் புகார் செய்தார். புகாரில் அவர் கூறியிருப்பதாவது:-

எனக்கு ஒரு மகனும், 2 மகள்களும் உள்ளனர். மகள்கள் தற்போது நாகர்கோவிலில் உள்ள கல்லூரியில் படித்து வருகிறார்கள்.

எனது 2-வது மகள் நாகர்கோவிலில் உள்ள பள்ளிக்கூடத்தில் 12-ம் வகுப்பு படித்தபோது கக்கன்புதூரைச் சேர்ந்த வசந்தராஜன் (21) என்ற வாலிபர் எனது மகளை பின் தொடர்ந்து வந்து காதலிப்பதாக கூறி உள்ளார். எனது மகளையும் காதலிக்கும்படி வற்புறுத்தி வந்தார்.

இதனால் நான் அந்த வாலிபரையும், எனது மகளையும் கண்டித்தேன். பள்ளிப்படிப்பு முடிந்து கல்லூரிக்கு சென்ற பிறகும் எனது மகளை அவர் பின் தொடர்ந்து சென்று காதலிப்பதாக கூறி வந்தார். திருமணம் செய்வதாகவும் கூறினார்.

மேலும் தன்னை திருமணம் செய்யாவிட்டால் உனது குடும்பத்தோடு உன்னை வாழ விட மாட்டேன் என்றும் எனது மகளை மிரட்டி வந்தார்.

இந்தநிலையில் கடந்த வாரம் வசந்தராஜனும், அவரது நண்பர் ஒருவரும் எனது வீட்டுக்கு வந்து எனது கணவரிடம் மகளை திருமணம் செய்து தரும்படி கேட்டனர். அப்படி திருமணம் செய்து கொடுக்காவிட்டால் எனது மகளின் படத்தை ஆபாசமாக சித்தரித்து வெளியிட்டு விடுவதாக அவர் மிரட்டினார். இதனால் கடந்த 8-ந் தேதி எனது மகள் வீட்டு கழிவறையில் வைத்து வி‌ஷம் குடித்து விட்டார். பிறகு அவர் ஆஸ்பத்திரியில் அனுமதித்து சிகிச்சை முடிந்து வீடு திரும்பினார்.

அதன்பிறகும் வசந்தராஜனும், அவரது நண்பரும் தொடர்ந்து எனது மகளிடம் தகராறு செய்து வருகிறார்கள். எனவே வசந்தராஜன் மற்றும் அவரது நண்பர் மீது நடவடிக்கை எடுக்க வேண்டும்.

இவ்வாறு அவர் கூறி உள்ளார்.

இதுபற்றி இன்ஸ்பெக்டர் சாந்தி விசாரணை மேற்கொண்டார். தொடர்ந்து வசந்தராஜன் மீது போஸ்கோ சட்டத்தின் கீழ் வழக்குப்பதிவு செய்து அவரை தேடி வருகிறார்.

சேலம்:

சேலம் மாவட்டம் மல்லூர் அருகே உள்ள அக்கறைபாளையம் பகுதியை சேர்ந்தவர் முருகேசன். இவரது மகள் சரண்யா (வயது 12). இவர் அந்த பகுதியில் உள்ள ஒரு பள்ளியில் 6-ம் வகுப்பு படித்து வருகிறார்.

இந்த நிலையில் பள்ளிக்கு செல்ல சரண்யா மறுத்ததாக கூறப்படுகிறது. இதனை அவரது தாய் கண்டித்தார். மனம் உடைந்த சரண்யா வீட்டில் இருந்த சாணிபவுடரை கலக்கி குடித்து மயங்கி விழுந்தார்.

இதை பார்த்த உறவினர்கள் அவரை மீட்டு சேலம் அரசு ஆஸ்பத்திரியில் சிகிச்சைக்கு சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இது குறித்து மல்லூர் போலீசார் விசாரணை நடத்தி வருகிறார்கள்.

பேரையூர்:

மதுரை முத்துப்பட்டியைச் சேர்ந்தவர் அய்யனார். இவரது மகள் சங்கீதா (வயது 18). இவர் கூடக்கோவில் அருகே எலியார்பத்தியில் உள்ள தனியார் நர்சிங் கல்லூரியில் படித்து வருகிறார்.

கடந்த சில நாட்களுக்கு முன்பு பயிற்சிக்காக கல்லூரியைச் சேர்ந்த மருத்துவமனைக்கு சங்கீதா சென்றார். அப்போது ஒரு வாலிபர் கடிதம் கொடுத்ததாக தெரிகிறது.

இது குறித்து விசாரணை நடத்திய கல்லூரி நிர்வாகம் சங்கீதாவை சில நாட்களுக்கு சஸ்பெண்டு செய்தது.

இந்த நிலையில் மீண்டும் கல்லூரி திரும்பிய சங்கீதா விடுதியின் 3-வது மாடியில் இருந்து கீழே குதித்தார். இதில் பலத்த காயமடைந்த அவர் சிகிச்சைக்காக தனியார் ஆஸ்பத்திரியில் அனுமதிக்கப்பட்டார்.

இந்த சம்பவம் குறித்து கூடக்கோவில் போலீசில் புகார் செய்யப்பட்டது. கல்லூரி முதல்வர் ஹெலன் பிரிட்டா, ஆசிரியை கல்பனா ஆகியோர் தற்கொலைக்கு தூண்டும் வகையில் தொல்லை கொடுத்ததாக புகாரில் சங்கீதா தெரிவித்துள்ளார். இதன் அடிப்படையில் போலீசார் விசாரணை நடத்தி வருகின்றனர். #tamilnews